ಸಿನೆಮಾ ರಂಗಕ್ಕೆ ಕಾಲಿಡಲಿದ್ದಾರೆ ಮೀನಾ ಮಗಳು! ಅವರ ಅಮ್ಮನಿಗಿಂತ ಸುಂದರವಾಗಿದ್ದಾಳೆ.. ನೋಡಿ ಒಮ್ಮೆ

ಪುಟ್ನಂಜ, ಸಿಂಹಾದ್ರಿಯ ಸಿಂಹ, ಮೈ ಆಟೋಗ್ರಾಫ್ ಅಂತಹ ಸೂಪರ್ ಹಿಟ್ ಸಿನಿಮಾಗಳ ಖ್ಯಾತಿಯ ನಟಿ ಮೀನಾ ಅವರ ಮಗಳು ಇದೀಗ ಹೇಗಿದ್ದಾರೆ ಗೊತ್ತಾ…! ಕನ್ನಡ ಚಿತ್ರರಂಗದಲ್ಲಿ ಕನ್ನಡ ನಟಿಯರಿಗಿಂತ ಪರಭಾಷಾ ನಟಿಯರೇ ಹೆಚ್ಚಾಗಿ ಆಳಿದ್ದಾರೆ ಎಂದರೆ ತಪ್ಪಾಗಲಾರದು. ಹಾಗಂತ ಅವರು ಬೇರೆ ಭಾಷೆಯ ನಟಿಯರು ಎಂದು ತಾರತಮ್ಯ ಮಾಡುತ್ತಿಲ್ಲ. ಕನ್ನಡ ಚಿತ್ರರಂಗದಲ್ಲಿ ಅವಕಾಶ ಪಡೆದ ಅನೇಕ ಪರಭಾಷಾ ನಟಿಯರು ಕನ್ನಡ ಭಾಷೆ, ಕರ್ನಾಟಕದ ಜನರ ಬಗ್ಗೆ ಅಪಾರವಾದ ಗೌರವ ಪ್ರೀತಿ ಇಟ್ಟುಕೊಂಡಿದ್ದಾರೆ. ನಟಿ ಸುಹಾಸಿನಿ, ಖುಷ್ಬೂ, ಶಿಲ್ಪಾ ಶೆಟ್ಟಿ, ಜಯಪ್ರದಾ, ಗೀತಾ, ಭಾನುಪ್ರಿಯ, ಮಹಾಲಕ್ಷ್ಮಿ ಹೀಗೆ ಅನೇಕ ನಟಿಯರು ಕನ್ನಡ ಭಾಷೆಯ ಬಗ್ಗೆ ವಿಶೇಷವಾದ ಒಲವು ಹೊಂದಿದ್ದಾರೆ. ಅಂತಹ ನಟಿಯರ ಪೈಕಿ ನಟಿ ಮೀನಾ ಕೂಡ ಒಬ್ಬರು. ತೊಂಭತ್ತರ ದಶಕದಲ್ಲಿ ದಕ್ಷಿಣ ಭಾರತ ಚಿತ್ರರಂಗವನ್ನಾಳಿದಂತಹ ಸುಪ್ರಸಿದ್ದ ನಟಿಯರ ಸಾಲಿನಲ್ಲಿ ನಟಿ ಮೀನಾ ಮೊದಲ ಪಂಕ್ತಿಯಲ್ಲಿ ನಿಲ್ಲುತ್ತಾರೆ.

ಬಾಲ್ಯದಲ್ಲಿಯೇ ಶಿವಾಜಿ ಗಣೇಶನ್ ಅವರ ನೆಂಜನ್ಗಲ್ ಚಿತ್ರದಲ್ಲಿ ಮಗುವಿನ ಪಾತ್ರ ಮಾಡುವ ಮೂಲಕ ಮೀನಾ ಚಿಕ್ಕ ವಯಸ್ಸಿಗೇನೇ ಬಣ್ಣದ ಲೋಕಕ್ಕೆ ಪಾದಾರ್ಪಣೆ ಮಾಡುತ್ತಾರೆ. ಈ ಚಿತ್ರದ ಬಳಿಕ ಮೀನಾ ಸಾಲು ಸಾಲು ಸಿನಿಮಾಗಳಲ್ಲಿ ಒಟ್ಟು ಬರೋಬ್ಬರಿ ನಲವತ್ತಕ್ಕೂ ಹೆಚ್ಚು ಚಿತ್ರಗಳಲ್ಲಿ ಬಾಲ ನಟಿಯಾಗಿ ಅಭಿನಯಿಸುತ್ತಾರೆ‌. ಬಳಿಕ ನವಯುಗ ಎಂಬ ಚಿತ್ರದ ಮೂಲಕ ಹೀರೋಯಿನ್ ಆಗಿ ಬಡ್ತಿ ಪಡೆದುಕೊಂಡ ಮೀನಾ ಅವರು ತಮಿಳು, ತೆಲುಗು ಮಾತ್ರವಲ್ಲದೆ ಕನ್ನಡ ಸಿನಿ ರಂಗದ ದಿಗ್ಗಜ ನಟರೊಂದಿಗೆ ನಟಿಸಿ ಅಪಾರ ಜನಪ್ರಿಯತೆ ಪಡೆದುಕೊಳ್ಳುತ್ತಾರೆ. ರವಿಚಂದ್ರನ್ ಅವರ ಪುಟ್ನಂಜ, ಚೆಲುವ, ಮೊಮ್ಮಗ, ಸಾಹಸ ಸಿಂಹ ಡಾ. ವಿಷ್ಣು ವರ್ಧನ್ ಅವರ ಅಭಿನಯದ ಸಿಂಹಾದ್ರಿಯ ಸಿಂಹ, ಕಿಚ್ಚ ಸುದೀಪ್ ಅಭಿನಯದ ಮೈ ಆಟೋಗ್ರಾಫ್ ಸಿನಿಮಾಗಳು ನಟಿ ಮೀನಾ ಅವರಿಗೆ ಕರ್ನಾಟಕದಲ್ಲಿ ಅಪಾರ ಜನಪ್ರಿಯತೆ ತಂದುಕೊಡುತ್ತದೆ. ನಟಿ ಮೀನಾ ಅವರು ಸೌತ್ ಸಿನಿ ರಂಗದಲ್ಲಿ ಬೇಡಿಕೆಯ ನಟಿಯಾಗಿ ಉತ್ತುಂಗದಲ್ಲಿ ಇರಬೇಕಾದರೆ ವೈವಾಹಿಕ ಜೀವನಕ್ಕೆ ಹೆಜ್ಜೆ ಇಡುತ್ತಾರೆ.

ಹೌದು 2009 ರಲ್ಲಿ ಕರ್ನಾಟಕ ಮೂಲದ ವಿದ್ಯಾಸಾಗರ್ ಎಂಬುವರನ್ನ ಮದುವೆ ಆಗುತ್ತಾರೆ. ನಟಿ ಮೀನಾ ಮತ್ತು ವಿದ್ಯಾಸಾಗರ್ ದಂಪತಿಗಳಿಗೆ ನೈನಿಕಾ ಎಂಬ ಹೆಣ್ಣು ಮಗಳಿದ್ದಾಳೆ. ಇತ್ತೀಚೆಗೆ ಕಳೆದ ಕೆಲವು ದಿನಗಳ ಹಿಂದೆಯಷ್ಟೇ ನಟಿ ಮೀನಾ ಅವರು ತಮ್ಮ ಪುತ್ರಿ ನೈನಿಕಾಳ ಹುಟ್ಟುಹಬ್ಬದ ಹಿನ್ನೆಲೆ ತಾಯಿ ಮಗಳು ಇಬ್ಬರು ನೇರಳೆ ಬಣ್ಡದ ಉಡುಪುಗಳನ್ನ ಧರಿಸಿ ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಆ ಫೋಟೋವೊಂದನ್ನ ಶೇರ್ ಮಾಡುತ್ತಾರೆ. ಮೀನಾ ಅವರಿಗೆ ತನ್ನ ಮಗಳು ನೈನಿಕಾ ಅಂದರೆ ಪಂಚಪ್ರಾಣ ಅಂತೆ. ತನ್ನಂತೆ ತನ್ನ ಮಗಳು ಕೂಡ ಬಣ್ಣದ ಲೋಕದಲ್ಲಿ ಮಿಂಚಬೇಕು ಎಂಬುದು ಅವರ ಆಸೆಯಾಗಿದೆಯಂತೆ. ತಾಯಿಯಂತೆ ನೋಡಲು ಸುಂದರವಾಗಿರುವ ನೈನಿಕಾ ಕೂಡ ಭವಿಷ್ಯದಲ್ಲಿ ಚಿತ್ರರಂಗಕ್ಕೆ ಬರಲಿದ್ದಾರೆ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ.